Iha loron tersa 17 Dezembro 2019, Instituto Nacional de Ciências e Tecnologia (INCT) organiza seminariu iha ámbito aprezentasaun rezultadu final peskiza sientífika nebe’e halao iha tinan 2019. Peskizadores nain hitu (7) husi varias instituisoens supreriores iha Timor-Leste nebe sai nudar autores ba projetu peskiza dahuluk finasia husi INCT.
Objetivu husi seminariu ne’e atu divulga resultadu final peskiza hitu (7) nebe’e realiza husi dosentes peskizadores hosi instituisaun ensino superior publika no privado iha Timor-Leste. Topiku peskiza hitu (7) ne’e selesionado hosi 25 propostas peskiza atravez konkursu publiku nebe loke iha fulan Julhu no Agusto 2019.
Peskiza hitu (7) ne’e kobre siênsia exatas no siênsia sociais hanesan; saude, edukasaun, turismo, asuntu desemprego no negosio nebe’e halao husi instituisaun superioris sira. Instituisoens superiores sira nebe sai autór mak hanesan; Instituto Superior Cristal (ISC), Institute of Bussines (IOB), Instituto Profesional de Canossa (IPDC) no Universidade da Paz (UNPAZ).
Seminario ne’e partisipa ativa hosi reprezentante membro do Governo, Reitores universidade publiku no privadu, Doutrorado Timor oan sira, entidades linhas ministeriais, no mos parseiros relevante iha Timor-Leste.