Iha 06 Desembro 2019, Instituto Nacional de Ciências e Tecnologia (INCT) halao enkontru ho membro konselhu sientifiku iha sala enkontru INCT.
Objetivu husi enkontru ne’e atu halo Nomeasaun no votasaun ba presidente konselhu sientifiku, Apresentasaun plano asaun annual INCT no Apresiasaun proposta orsamento INCT ba tinan fiscal 2020.
Iha enkontru refere atu nomea kandidatu ida atu sai presidente ba konselhu sientifiku tenki prense kriteria hanesan; (1) Nivel estudo tenki Doutorado minimun tinan tolu, (2) Esperensia servisu hanesan dirijente minimu tinan lima. Enkontru hirak nebe’e, prense kriteria maka hanesan; Dra. Ana Isabel de Fatíma Sousa Soares, Ph.D, Dr. Victor da Conceição Soares, Ph.D no Dr. Fernando Hanjam, Ph.D.
Iha votasaun ba presidente konselhu sientifiku husi kandidatu nain tolu deside Dra. Ana Isabel de Fatíma Sousa Soares, Ph.D maka sai presidente konselhu sientifiku husi hafoin halo votasaun husi membro konselhu sientifiku.
Enkontru ne’e partisipa maximu husi Presidente INCT, Dr. Jose Cornelio Guterres, Vice Presidente INCT, Dr. Afonso de Almeida, Reitor IOB e Presidente do KIESP-TL, Dr. Augosto da Conceição Soares, Docente da Faculdade de Engenharia da UNTL, Dr. Victor da Conceição Soares, Docente da Faculdade Engenharia DIT, Dr. Estanislau de Sousa Saldanha, Ph.D, Médica Independente no Parlamento Nacional, Dra. Ana Isabel de Fatíma Sousa Soares, Docente da Faculdade Acontabilidade UNTL, Dr. Fernando Hanjam, Docente da Faculdade Medicina UNTL, Dr. João Soares Martins, Docente da Faculdade da Educação IPDC, Dr. Nilton Diamantino Paiva Mau no Docente da Faculdade Ciȇncias Sociais UNTL, Dr. Rosalino Gomes.