Dili, 23 de Novembro de 2019
Instituto Nacional de Ciência e Tecnologia (INCT), hetan convite husi Comisão da Função Publiko hodi partisipa no mos sai hanesan orador iha Seminar Nacional da Função Publika ninian, seminario ne’e halao iha Centro Convensão Dili (CCD).
Objectivu prinsipal husi seminario ne’e hodi halo reflesaun ba prosesu desentralizasaun jestaun rekursu umanu hodi uniformaniza linguajem, intedimentu no interpretasaun ne’ebe hanesan ba jestaun rekursu umanu inter-ministerial (inter-instituisaun) iha kontextu alinamentu ho politika Governu ba Reforma Administrasaun Publika.
Iha seminariu ne’e reprezenta husi INCT Secretaria Executiva INCT, Dra. Maria Elsa Diogo Correia halo aprezentasaun kolia kona ba “Jestaun Rekursu Umanu iha Instituto Nasional Siensia no Teknologia”. Alende ne’e iha konteudu aprezentasaun kona ba Introdusaun INCT, Missao INCT, Knar INCT, Funcionamentu, Estrutura Organika INCT, Atual Fungsionariu INCT, Areas Pioritarias Peskisa INCT, Projesaun forsa de Trabalhu INCT, Formasaun, Analisa Forsa, Frakeza, Oportunidades no Ameasa (FFOA) no Pontus balun atu konsidera kestaun legal e investe iha formasaun.
Seminariu ne’e abertura husi Vise Ministru Administrasaun Estatal, S.E Abilio José Caetano, Secretario de Estado Arte e Cultura, S.E Teofilio Caldas, Presidente Comisão da Função Publiko, S.E Faustino Cardoso Gomes, Komisariu Comisão da Função Publiko, Sra. Maria Domingas, Komisariu Comisão da Função Publiko, Sr. Antonio Freitas no Komisariu KAK, Sr. Sergio Hornay. Seminariu refere hetan partisipasaun maximu husi Administrador sira no Diretor Munisipal sira, Direitor Nasional sira, Direitor Geral e Inspetor sira, Lider Entidade Administrasaun Indireta sira, ONG no Agensia Bilateral no Multilateral sira no interesado (Stakeholder relevante sira).