![](https://i0.wp.com/192.168.137.100/inct2/wp-content/uploads/2020/09/pbi-1024x683.jpg?resize=819%2C546)
Dili, 27 Jullu 2020, Instituto Nacional de Ciências e Teknologia (INCT) halao seminariu sientifiku ida ho nia tema “Kooperasaun Instituisoens Ensinu Superior ho Industria ba Desenvolvimentu Teknologia Aplikada”. Semináriu ne’e realiza iha Auditorium Pusat Budaya Indonesia (PBI).Objetivu husi seminariu ne’e hodi halibur informasoens sientífika, rezultadu estudos no peskiza hosi oradores sira atu bele sai nudar mata-dalan ba desenvolvimentu teknologia aplikada iha Timor-Leste.Seminariu ne’e abertura husi Presidente Konsellu Exekutivu INCT iha nia abertura hateten refleta fali ba planu estrategiku nasional 2011-2030 katak iha tinan 2030 Timor-Leste sei sai sosiadade ida nebe’e rendimento ho medio alto, mehi ida nebe’e desafia tebes ita atu atinji, nune’e papel setor privado nomos industria importante tebes, katak sira labele lao mesak tenki akompanha ho idea nebe’e inovativo no tenki halo estudos ho dados nune bele desenvolve kompanhia no industria ho diak.Alende ne’e Presidente Konsellu Executivu INCT mos hateten iha futuru koperasaun iha area hanesan tenki desenho kurikulum nebe’e diak, tanba ohin loron ita hari kurikulum ho modelo top down, tanba governo desenho hatun ba universidade sira hodi halao no produs ema (rekursu umanu) dala ruma kompanhia la uja, ho ida ne’e tempo to ona universidade sira bele ba tuku kompanhia sira nia odamatan hodi bele husu tipo kompentensia nebe’e mak persija, entao bele hamutuk desenu kurikulum nebe’e diak hodi bele responde ba nesesidade kompanhia no industria refere. Seminariu ne’e involve respetivu oradores reprezentas instituisoens relevante ho portofolio propriu no pertinente ho konseitu parseria entre instituisoens edukativa ho setór industria. Oradores sira mak hanesan: 1) Dr. Achmad Tavip Syah, Adido Edukasaun no Kultura, Embaixada Republik Indonesia iha Timor-Leste, 2) Doutór Samuel Venancio de Sousa Freitas, Ph.D, Dekanu Fakuldade Siensia Exata, 3) Dr. Edmundo Viegas, Ph.D, Diretor Executivo ANAAA, 4) Dr. Rui Castro, Vice presidente Camará Comercio no Industria, Assunto Agrikultura no Industria Kreativu, no 5) Dr. António da Costa, Diretór Geral da Industria, Ministério Turismo, Comércio e Industria (MTCI).Alende ne’e moderador ba semináriu sientífiku refere maka Chefe Departementu Siensia Sosial no Umana, Instituto Nacional de Ciências e Tecnologia, Sr. Paulo Henrique Ribeiro, Eis Reitor DIT, Dr. Estanislau de S. Saldanha no Dekano Siensia Sosiais e Humano, Dr. Fernando Dias Gusmão. Diskusante ne’ebe sei halo overview ba panelista iha seminariu sientifiku ne’e maka Coordenador Técnico Principal Gabinete do Primeiro Ministro, Dr. Azevedo Lourenço da Costa Marça, Ph.D.Semináriu ne’e partisipa hosi representante Linha Ministeriais, Organizasoens Internasionais Relevante, Reprezentante Doutorados Timor oan sira, Professor-Peskizadores, Docentes, Peskizadores, Estudantes Universitariu no Representate Professores no Reprezentante hosi industria no sentru peskiza iha Timor-Leste.