Díli, 13 Outubru 2026 – Institutu Nasional Siénsia no Teknolojia (INCT, sigla iha Portugés), realiza Reuniaun Ordinária, Konsellu Sientífiku INCT ba dala ualu (8), ne’ebé prezide husi; Prezidente Konsellu Sientífiku INCT, Dra. Ana Isabel de Fátima Sousa Soares, iha salaun INCT, Balide, Díli, Timor-Leste.
Objetivu husi reuniaun ne’e maka, atu diskute ajenda importante sira, hanesan: Loron Mundial Siénsia no lansamentu ISSN, atualizasaun kona-bá konstrusaun edifísiu INCT, aprezentasaun relatóriu atividade no ezekusaun orsamentu ba tinan fiskal 2026, aprezentasaun planu atividade no ezekusaun orsamentu ba tinan fiskal 2027 no ikus liu, aprezentasaun planu ba Estabelesimentu Komisaun Étika.
Ajenda sira ne’e, aprezenta no diskute, hodi apoia planeamentu no implementasaun atividade INCT.
Relatóriu atividade no ezekusaun orsamentu ba tinan fiskál 2026, planu atividade no ezekusaun orsamentu ba tinan fiskal 2027, no planu ba estabelesimentu Komisaun Étika, hetan aprezentasaun husi: Dr. Augusto da Conceição Soares. Enkuantu, atualizasaun projetu investigasaun sientífika ba tinan fiskal 2026, hetan aprezentasaun husi; Dr. Valentim Ximenes.
Reuniaun ne’e, hetan partisipasaun maximu husi membru Konsellu Sientífiku: Dra. Ana Isabel de Fátima Sousa Soares, Dr. Valentim Ximenes, Dr. Augusto da Conceição Soares, Dr. Câncio Monteiro, Dra. Teresinha Albertina Soares no Dr. Leonel da Costa Xavier, inklui ekipa tekniku INCT.