DELEGASAUN TIMOR-LESTE KOMPOSTU HUSI MESCC NO INCT PARTISIPA IHA 89.ª REUNIAUN COSTI-ASEAN NO REUNIAUN MINISTROS SIÉNSIA TEKNOLOJIA NO INOVASAUN (AMMSTI) ASEAN IHA LAO PDR

Delegasaun Timor-Leste kompostu husi MESCC no INCT, partisipa iha 89.ª Reunião do Comité de Ciência, Tecnologia e Inovação da ASEAN (COSTI-89), Reunião de Ministros da ASEAN  Ciência, Tecnologia e Inovação (AMMSTI) no enkontru relevante sira,  hahu husi loron 22 to’o 26 Juñu 2026, ne’ebé realiza iha Crowne Plaza Hotel Viantiane, iha Lao PDR. Delegasaun refere, lidera husi Sua Excelência Embaixador Timor-Leste ba Lao PDR, Sr. João Camara no akompaña husi Prezidente Konsellu Ezekutivu INCT, Dr. José Cornélio Guterres, nu’udar Prezidente COSTI Timor-Leste,  inklui membros  nain ha’at (4), ne’ebé maka, nain ida (1), husi Institutu Nasional Siénsia no Teknolojia (INCT, sigla iha portugés) no nain tolu (3), husi Ministériu Ensinu Superior Siénsia no Kultura (MESCC, sigla iha portugés). Enkontru  ne’ebé delegasaun  Timor-Leste  partisipa maka hanesan tuir mai ne’e:

1. The 20^th  Board of Advisor (BAC) ba COSTI-22 de Junho 2026
2. The 89^th Committee of Science Technology and Innovation (COSTI)- 23 de Junho 2026
3. The 22^th ASEAN Ministerial Meeting (AMMSTI) -26 de Junho 2026
4.  The 7^th Meeting of ASEAN-ROK Joint Science Technology & Innovation Committee – 24 de Junho
5. Cultural Visit iha loron 26 de Junho 2026

Delegasaun mos partisipa iha enkontru  relasionadu sira hanesan:

“The 15^th Meeting of ASEAN-Japan Cooperation Committee  Science & Technology- 24 de junho 2026, The 13^th Meeting of ASEAN-China Joint Science Technology & Innovation Committee no The 4^th China-ASEAN Innovation & Entrepreneurship Competition (CAEC) – 25 Junho 2026″.

Objetivu prinsipal husi partisipasaun delegasaun Timor-Leste, iha fórum rejional ASEAN maka, atu reforsa kompromisu no koperasaun entre Estadu Membru ASEAN sira, liu husi partilha koñesimentu hodi aliña politika estratejika rejional iha prosesu dezenvolvimentu Siénsia Teknolojia no Inovasaun (STI).

Iha Enkontro 22^th ASEAN Ministerial Meeting (AMMSTI) partisipa husi, Sua Eselénsia Embaixador Timor-Leste ba Lao PDR, Sr. João Camara, reprejenta governu Timor-Leste,  iha ninia intervensaun, destaka progresu ne’ebé Timor-Leste alkansa ona iha área Siénsia Teknolojia no Inovasaun (STI) no  reafirma kompromisu Timor-Leste, atu kontinua hametin koperasaun rejional iha área STI, nu’udar kanal ida, atu promove  dezenvolvimentu sustentavel, inklusivu no justu hodi garante “bem-estar” povu nian, iha rejiaun “Sudeste Asiático”.