Díli, 15 Juñu 2026 – Institutu Nasional Siénsia no Teknolojia (INCT, sigla iha portugés), liu husi Prezidente Konsellu Ezekutivu INCT, Dr. José Cornélio Guterres, akompaña husi Vise-Prezidente I INCT, Dr. Valentim Ximenes no Vise-Prezidente II INCT, Dr. Augusto da Conceição Soares, hala’o reuniaun ho Investigadór Institute of Genomics da University of Tartu husi Estónia, Dr. Phillip Endicott, iha salaun INCT, Díli, Timor-Leste.
Objetivu husi reuniaun refere, hodi diskute kona-bá kooperasaun institusional, entre Timor-Leste ho parseiru internasionais sira, ne’ebé foku ba peskiza no dezenvolve projeitu estratéjiku sira, aliña ho prioridade Nasionál Timor-Leste nian nomos servisu ne’ebé Institutu Nasional Siénsia no Teknolojia (INCT, sigla iha portugés) hala’o relasiona ho peskiza sientífika iha Timor-Leste.
Enkontru refere, hetan partispasaun husi Prezidente Konsellu Ezekutivu INCT, Dr. José Cornélio Guterres, Vise-Prezidente I INCT, Dr. Valentim Ximenes, Vise-Prezidente II INCT, Dr. Augusto da Conceição Soares no Dr. Phillip Endicott ho nia ekipa.
Inisiativa ida ne’e, hodi reforsa liu tan kompromisu INCT nian, ba iha estabelese parseria internasionál, ne’ebé kontribui ba avansu peskiza sientífika no dezenvolvimentu sustentável Timor-Leste nian.