Hera, 15 Novembru 2022 – Prezidente Konsellu Ezekutivu Institutu Nasionál Siênsia no Teknolojia (INCT), Dr. José Cornélio Guterres, partisipa hanesan orador iha seremonia Konferensia Dies Natalis UNTL 2022 ho tema “22 Anos de Desenvolvimento de Investigação em Timor-Leste: Uma Analise Multidisplinar Retrospectiva e Prespetiva” iha Auditorium Dr. Gabriel António de Sa, Hera.
Iha seremonia ne’e Presidente Konsellu Ezekutivu INCT, Dr. José Cornélio Guterres iha nia aprezentasaun hateten hau refere ba referensia ida husi UNESCO iha tinan 2021 bele hateten katak numeru ema sira ne’ebe hanesan hadomi siensia hahu sae, ida ne’e ita bele hatete katak 19% mais ou menus ida ne’ebe okupa iha persentajem ida ne’e iha nasoens sira hanesan Amerika no Cina, buat sira ne’e hotu liga ba dezenvolvimentu sientifiku ba aspetu hotu-hotu hanesan ekonomia, agrikultura, industria, turismo no seluk tan.
Presidente ne’e afirma tan INCT hanesan institutu publiku ida ho nia misaun atu promove siensia, teknolojia no inovasaun liu husi dezenvolvimentu peskiza pura no aplikada. Vizaun estratejiku ne’ebe INCT sei halao agora nomos ba futuru maka peskiza no dezenvolvimentu, inventariu, formasaun, publikasaun, akreditasaun ba jornais sira no dezenvolvimentu institusional.
Iha seremonia ne’e presidente konsellu ezekutivu INCT halo aprezentasaun hamutuk ho Diretor CNIC, Dr. Jose Lourenco, Vise Reitor PPGP, Dr. Afonso de Almeida, Dosente DIT, Dr. Estanislau de Sousa Saldanha.