KONSELLU JÉRAL REALIZA REUNIAUN ORDINARIA BA DA-LIMA
Díli, 14 Abril 2025 – Prezidente Konsellu Jerál Institutu Nasional Siênsia no Teknolojia (INCT), Sua Excia. Ministru Ensinu Superior Siênsia no Kultura, Dr. José Honório da Costa Perreira Jerónimo prezide reuniaun Konsellu Jerál ordinariu ba dalima nian iha sala konferensia INCT, Balide, Dili.
Objetivu husi reuniaun ne’e hodi deskuti aprovasaun pontus ba ajenda dalima nian Konsellu Jeral, Apresiasaun no aprovasaun pareser tékniku Konsellu Fiskal konaba Relatóriu atividade Ezekusaun tinan fiskal 2024, Aprezentasaun Relatóriu Final ba atividade ezekusaun tinan fiskal 2024 no Aprezentasaun Relatóriu ba atividade ezekusaun trimester dahuluk tinan fiskal 2025 husi II Vise Presidente Konsellu Ezekutivu INCT, Asuntu Administrasaun no Finansas, Dr. Augusto da Conceição Soares no Aprezentasaun konaba Projetus Peskiza Sientífika tinan fiskal 2025 husi I Vise-Prezidente asuntu koordenasaun àrea peskiza sientifika no parserias kooperasaun internasional, Dr. Valentim Ximenes.
Enkontru ne’e hetan partisipasaun hosi Membru Konsellu Jerál nomeadamente Presidente Konsellu Ezekutivu INCT, Dr. José Cornélio Guterres, Dr. Carlito Mali Code, Dr. Xisto Martins, Dr. Feliciano Quintas do Ceu, Dr. Albertu C. Araújo, Dra. Laurentina Barreto Soares, Sekretaria Ezekutivu INCT, Dra. Maria Elsa Diogo Correia no funsionariu tékniku sira.
