INCT HALAO AKORDU ASSINATURA KOPERASAUN AUTORIDADE MUNISIPIU LIKISÁ NO ENTREGA REZULTADU FINAL PESKIZA SIENTIFIKA TINAN FISKAL 2024

I Vise Konsellu Ezekutivu INCT, Dr. Valentim Ximenes iha nia intervensaun hateten katak antes atu halo asina akordu kooperasaun no entrega rezultadu peskiza ne’e, buat sira ne’e hotu hola parte iha INCT nia misaun maka hanesan 1) promove koñesimentu sientífiku teknolójiku oinsa bele ajuda ita nia governu sira hodi bele halo polítikas públikas ne’ebe diak; 2) atu fo apoiu ba ita peskizador professor doutoradu sira ne’ebe mai husi universidade iha timor laran tomak, hodi halo peskiza sientífika; 3) peskiza sientífika ne’ebe peskizador sira halo hodi fornese informasaun ne’ebe lolos diak ba ita nia governu sentral no governo lokal hodi bele halo planu dezenvolvimentu nasional no dezenvolvimentu lokal no; 4) Rezultadu peskiza sira ne’e hotu ami tenke desemina ba fatin ne’ebe peskizador sira halo ba inklui munisipiu likisá. Entaun iha tinan ida ne’e ami finansia projetu peskiza ida iha área saude ne’ebe halo estudus ida konaba ema sira ne’ebe maka moras ain bubu bot ka ema dehan penyakit kaki gaza, estudus ne’e halo iha munisipiu likisá. Nune’e hau dejeza bele hare tok estudus ne’e hodi le rekomendasaun lubuk ida atu aban bainrua bele ajuda diretor servisu munisipais de saude bele assesu iha dokumentu ne’e hodi bele hatama iha planu dezenvolvimentu saude no bemestar iha munisipiu ida ne’e, tanba ne’e importante los hodi ita hamutuk prevene moras ida ne’e labele mosu tan ba ita nia oan no beioan sira iha tinan naruk mai.