Díli, 8 Abril 2025, Institutu Nasional Siênsia no Teknolojia (INCT, sigla iha Português), realiza konferensia prefia konaba atividade servisu konsultoria ba elaborasaun Design Engineering Detailed(DED), ne’ebe mak prezide husi Sekretaria Ezekutiva INCT, Dra. Maria Elsa Diogo Correia iha salaun INCT, Balide, Dili.
Objetivu hosi enkontru ne’e hodi partilla informasaun breves konaba prosedimentu kadernus enkargus ba servisu konsultoria nian, atu nune’e kompania sira bele tuir rekezitus ne’ebe maka iha, wainhira submete proposta tenderizasaun mai iha INCT.
Sekretaria Ezekutiva INCT, Dra. Maria Elsa Diogo Correia iha nia intervensaun hateten agradese ba konsultores sira tanba bele mai partisipa iha konferensia prefia ne’e. Konferensia prefia ne’e ne’e halao tuir regras aprovisionamentu ne’ebe mak iha. Nune’e konferensia prefia ne’e atu partilla informasoens ligadu ho prosedimentus no mekanismu hotu ba prosesu elaborasaun proposta DED ne’ebe konkorente sira tenkeser hatene hodi submete mai iha INCT.
Konferensia prefia ne’e partisipa husi ekipa CNA ne’ebe sira fo asistensia apoiu iha parte tékniku, nune’e mos husi ekipa INCT liu-liu husi divizaun aprovisionamentu, presidente juri no membru juri sira INCT nian, hamutuk ho diretores sira, empreza ne’ebe aplika ba konkursu DED nian.
