Dili, 15 Novembru 2024 – Ekipa Tékniku IT Institutu Nasionál Siénsia no Teknolojia (INCT, sigla iha Português) hetan formasaun hosi ID-Network Indonesia kona-ba ba Red Hat OpenShift on AWS (ROSA) iha salaun INCT, Balide. Formasaun ne’e realiza durante loron ha’at (4), hahú hosi loron 11-14 Novembru 2024, liu hosi via-zoom.
Objetivu husi formasaun ne’e atu dezenvolve kapasidade tékniku sira nian iha Red Hat OpenShift no promove igualdade iha oportunidade hanesan coesão sosial, promove analize krítiku iha Red Hat OpenShift no iha ámbitu uzu profisionál nian, ba sertifikasaun ida hosi akizisaun abilidade báziku sira iha área ida-ne’e, jeneraliza asesu no utilizasaun koñesimentu foun sira hosi Red Hat OpenShift iha AWS (ROSA), no hasa’e utilizasaun Red Hat OpenShift iha AWS (ROSA) ba efisiénsia boot iha aplikasaun ba programa apoiu serbisu seluk ne’ebé iha difikuldade ligadu ba utilizasaun programa ne’e.
Partisipante hosi formasaun ne’e, Sra. Lúcia de Araújo Gomes hateten formasaun ida ne’e hanesan kontinusaun hosi formasaun iha BRIN-Indonesia, konaba treinamentu repositóriu no ISSN. Nune’e bazeia ba planu INCT nian, INCT sei hari’i Repositóriu Sientífiku Nasionál Timor-Leste iha tinan fiskal 2024, entaun formasaun ida ne’e hanesan kritériu ida hodi prense ba rekejitus atu bele jere repositóriou dijital refere.
Ekipa Tékniku IT-INCT ne’ebe partisipa iha formasaun maka hanenesan Sr. Tiago da Silva Xavier, Sra. Lúcia de Araújo Gomes, Sr. Luciano da Costa Alves, Sr. Feliciano Ximenes no Sr. Dedilson Pedro.