Dili, 20 Novembru 2024, Peskizador hosi Institutu Nasionál Siénsia no Teknolojia (INCT) no Ajénsia Nasional ba Avaliasaun no Akreditasaun Akadémika (ANAAA) halo aprezentasaun preliminar rezultadu peskiza konaba Taxa da Empregabilidade dos Graduados em Timor-Leste; iha Área Siénsia Saúde hosi Instituisoens Superiores lima (5), nomeadamente UNTL, ISC, UNPAZ, UNDIL no ICS, ho objetivu atu sukat taxa empregabilidade graduadus hosi fakuldade siénsia saude nian. Aprezentasaun Preliminar ne’e halao iha salaun INCT, Balide, Dili.
I Vise Presidente Konsellu Ezekutivu INCT, Dr. Valentim Ximenes iha abertura nia hateten iha tinan kotuk liu ba INCT ho ANAAA halo akordu espesifiku ida ba traballu sientífiku hodi hadia polítikas estratégikas ANAAA nian atu halo avaliasaun no akreditasaun ba Ensino Superior iha área hotu-hotu iha universidade. Tinan kotuk ita halo estudu ida klean konaba programa estudus iha área jestaun ekonomia no tinan ida ne’e ita halo estudu espesífiku iha área saude. Estudu kazu ida agora furak teb-tebes atu hare ba taxa de absorsaun ba merkadu de traballu de graduadus iha área siénsia iha Timor-Leste, portantu komforme peskiza ne’ebe iha área estudus nomeadamente UNTL, ISC, UNPAZ, UNDIL no ICS hanesan amostra ida ne’ebe maka tinan ida ne’e ANAAA foti hodi halo peskiza no husu apoiu INCT nian atu organiza peskiza ne’e. Nune’e ita nia peskizador maka Dr. Domingos Caeresi B. Beremau Gomes no Dr. Carlos da Conceição de Deus ne’ebe integra iha ekipa investigasaun ne’e. Estudus ne’e Importante atu fo hanoin ba ita katak ohin ita halo aprezentasaun preliminar hodi hare hamutuk nune’e ikus liu ita sei ba halo aprezentasaun ba iha Sua Exelensia Ministro Ensino Superior, Siénsia no Kultura atu nune bele foti medidas de atuasaun nune bele hadia ou garante kualidade Ensino apredizajem iha área kursu programa de estudus siénsia de saude iha timor leste.
Diretur Ezekutivu ANAAA, Dr. Nilton Paiva Mau iha nia intervensaun hatete realizasaun projetu peskiza ne’e husi ANAAA, iha esperensia akreditasaun ne’ebe ANAAA halao iha standar ida konaba ba graduate student iha neba ita sempre kestiona konaba demand of suplay, avaliadora ANAAA sira wainhira hatama relatorio mai ANAAA sempre hasoru katak iha institusaun balun sira laiha dadus konaba tracer study, ida ne’e implika ba sira nia desizaun atu sukat sira nia kualidade ne’e to iha ne’ebe. entaun ita hanoin tau osan ba peskiza nune’e bele responde ba kestaun sira ne’e, entaun ANAAA hanoin halo kolaborasaun ho INCT hodi realiza investigasaun refere. Peskiza ne’e, iha tinan kotuk ita hahu ona ho programa estudu jestaun no tinan ida ne’e kontinua estudu saude no iha tinan oin ita sei kontinua ho estudu engenaria.
Partisipa iha aprezentasaun preliminar rezultadu peskiza ne’e II Vise-Prezidente Konsellu Ezekutivu INCT, Dr. Augusto Soares, Reitor ICS, Leão Borges, Vise Reitora Asuntu Sientífiku, Sra. Herminia dos Santos Ximenes, Dra. Dekanu Medisina UNTL, Dra. Lidia Gomes, Dosente UNPAZ, Dr. Levi Exposto no funsionariu tékniku sira hosi ANAAA.