Díli, 26 Setembru 2024 – Institutu Nasional Siénsia no Teknolojia (INCT, sigla iha Português), Quinta-Feira ne’e realiza aprezentasaun prelimináriu loron daruak ba peskiza sientífika hosi investigador/a sira ba painel júri sira ho objetivu atu avalia rezultadu peskiza sientífika sira ne’e.
Peskizador/a sira ne’ebé mak halo aprezentasaun iha salaun Infordepe ne’e mak Dr. Natalino F. da S. Guterres kona-ba “Estudos de viabilidade de implementção da energia solar: Design os Wind Turbines and Solar panels Using Hybrid Methods Based on IoT Monitoring for the Church Building in Ponilala Village, Ermera” ho avaliador Dr. Vitor da C. Soares Dr. Câncio Monteiro, tuir kedas aprezentasaun hosi Dr. Benjamin Hoffer Martins ho tema “Modelação da Bacia Hidrografica de Irabere para o dimensionamento do Recurso Hidrico”, ho avaliador Dr. Krispin Fernandes no Dra. Adérita T. dos Santos.
Hafoin termina aprezentasaun iha parte dader nian, kontinua kedas aprezentasaun sesaun loraik nian hosi Prof Dr. Manuel Azancot de Menezes “As Competências do Professor universitário e as metodologias de ensino aprendizagem para o desenvolvimento de competências. Um estudo realizado em cinco universidades de Timor-Leste” ho avaliador Dr. Pedro Ximenes no Prof. Dr. Francisco Miguel Martins ikus liu Dr. Manuel Brito ho tema “Economia informal das mulheres de food street vendors em Timor-Leste: Uma análise exploratório sobre condições socioeconomómico, prática de negocio e seus contributos ao rendimento família em Município de Díli” ho avaliador husi Dr. Cristovão dos Reis no Dr. Alfredo dos Santos.
Semináriu ne’e modera husi Diretora Nasional Teknologia Inovasaun Sra. Jacinta dos Santos Guterres, Diretor Nasional Katalogasaun Siénsia no Repozitótiu Sr. Benvindo Guterres no Diretor Nasional Siénsia Sosial no Umanas INCT, Dr. Leonel da Costa Xavier.