Díli, 25 Setembru 2024-Instituto Nacional de Ciências e Tecnologia (INCT) realiza semináriu prelimináriu peskiza sientífiku durante loron tolu hahú husi loron 25-27 ba tinan fiskal 2024, iha edifisiu INCT Balide, Díli. Objetivu husi semináriu prelimináriu ne’e, atu relata rezultadu peskiza ne’ebé hala’o husi peskizador sira durante atividades peskiza iha terenu.
Hahú abertura husi I Vise-Presidente Konsellu Ezekutivu INCT, Dr. Valentim Ximenes, ne’ebé iha diskursu hateten katak peskiza sientífiku ne’ebé realiza iha INCT laos ba Instituisaun privada no públiku ne’ebé lokaliza iha Díli deit, maibé ba komunidade Timor oan hotu, no INCT espera atu simu peskizador sira ne’ebé mai husi Instituisaun sira ne’ebé lokaliza iha munisipiu. Ho nune’e bele servisu hamutuk entre peskizador regionál to’o area remotas i rezultadu peskiza sira bele dezamina no utiliza ba bem-estar povu Timor-Leste.
Iha loron haduluk semináriu prelimináriu sientífiku ne’e, iha aprezentasaun dader nian ho tema: Understanding the Perspectives and Experiences of Lymphatic Filarias is Patients Towards Disability and Stigma in Viqueque and Liquiça hosi investigador prinsilpál dr. Valente da Silva; Investigasaun Geologia no Geofízika ba Rai Monu iha Estrada Nasional iha Area Lugatoi Munisipiu Viqueque hosi investigador prinsilpál Sr. Moisés Soares; no kontinua sesaun loraik nian ho tema: Possíveis Soluções Adaptadas na Melhoria do Sistema de Gestão e Tratamento de Resíduos Sólidos em Díli investigador prinsilpál Luis da Costa; Conceção e Desenvolvimento de Software, Produtos Digitais e Plataformas Digitais ; husi investigador prinsipál Dr. Arão Ternório Alves Santos hamutuk ho membru investigador sira hotu.
Semináriu ne’e modera husi Diretor Nasional Siénsia Ezata no Naturais INCT, Sr. Valente Ferreira no Diretora Nasional Teknologia Inovasaun Sra. Jacinta dos Santos Guterres.