Díli, 02 Jullu 2024 – Diretór Nasionál Katalogasaun Siénsia no Repózitoriu Sientífiku Dijitál INCT, Sr. Benvindo Guterres akompaña hosi ekipa tékniku husi INCT hala’o enkontru ho Xefe Planeamentu Rede Infrastrutura Ajénsia Teknolojia Informasaun no Komunikasaun (TIC, sigla iha Portugés), Sr. Salvador da Costa Oliveira, iha salaun INCT, Balide.
Objetivu hosi enkontru ne’e INCT husu apoiu ba parte TIC nian hodi halo analize kona-ba espesifikasaun materiál eleteróniku sira atu hari’i Repózitoriu Dijitál Nasionál INCT nian iha Timor-Leste.
Iha intervensaun, Sr. Salvador da Costa Oliveira hatete antes atu analiza ba espesifikasaun materiál ba repózitoriu dijitál nian, ita mos persija hare uluk lai infraestrutura rede internet INCT nian. Xefe apela atu oferese swicth management iha servidor INCT nian, hodi maneja rede ne’ebé agora daudaun INCT utiliza. Nune’e mós sei halo revizaun ba espesifikasaun ba ekipamentu repozitóriu dijital no orsamentu sira.
Enkontru ne’e partisipa hosi Xefe unidade ba peskiza, Sra. Maria José Gonçalves, Xefe Divizaun Teknlolojia Informasaun no Komunikasaun Media, Assistente Data Center TIC no Tékniku IT INCT.