Díli, 6 Juñu 2024 – Institutu Nasional Siénsia no Teknolojia (INCT, sigla iha Português), Tersa-Feira ne’e realiza Serimonia tomada de posse ba Diretór foun INCT, iha salaun INCT, Balide.
Iha seremónia tomada de posse ne’e, Prezidente Konsellu Ezekutivu INCT, Dr. José Cornélio Guterres, iha nia diskursu hatete, Rekrutamentu ida ne’e por méritu ne’ebé liu husi prosesu ida naruk no la fasil, rekrutamentu primeiru falla, segunda falla no finalmente terseiru rekrutamentu maka konsege rekruta direitór nain tolu refere. Presidente Konsellu Ezekutivu ne’e hatutan tan knar prinsipal husi diretór sira maka sei halo planu, ezekuta planu no halo monitorizasaun ba planu ne’e rasik. Nune’e Prezidente Konsellu Ezekutivu INCT hato’o mos parabens ba diretór foun nain tolu ne’ebé ohin simu ona pose maka hanesan; Diretór Nasional ba Siénsia Sosial no Umana, Dr. Leonel da Costa Xavier, Diretór Nasional ba Siénsia Exata no Naturais, Dr. Valente Pereira no Diretór Nasional ba Katalogasaun Siénsia Repositoriu, Dr. Benvindo Domingos José Guterres.
Prezidente Komisaun Funsaun Públiku, Sr. Agustinho Letêncio de Deus hatete iha momentu ida ne’e, seremónia tomada de posse ne’e realiza ba dirijentes nain 3, ba iha kargu ho natureza “Diresaun Nasional” hanesan Diretór Nasional Siénsia Sosiais no Umana, Diretór Nasional Siénsia Exatas no Naturais no Diretór Nasional Katalogasaun Siénsia no Repózitoriu Dijitál. Kargu hirak ne’e importante no estratéjiku tebes ba INCT nune’e atu alkansa finalidade sira ne’ebe trasa ona ligadu ho Siénsia Sosiál no Umana, Exata no Naturál nomos Katalogasaun ba Siénsia no Repózitoriu Dijitál nian. Prezidente Komisaun Funsaun Públiku ne’e afirma tan katak pozisaun estratéjika no importansia hirak ne’e mak destaka ba pesoal sira hodi simu pose katak prosesu selesaun pur méritu ne’ebé halao ona, komprova katak ita-boot sira méritu no abilidade fundamental sira tuir termu referensia kada pozisaun. Ho nune’e Presidente lamenta tan hodi KFP nia naran hakarak hato’o parabéns no votos de susessu ba Diretór sira ho knar ida idak nian.
Serimónia ne’e hetan partisipasaun hosi Diretór Jeral Interino Ministériu Ensinu Superior, Siênsia no Kultura (MESSK), Sr. Droaldo F. Morais, Diretór Nasional Aprovisionamentu MESKK, Sr. Baptista da Silva, Diretór Ezekutivu ANAAA, Dr. Nilton Paiva, Reverendo Padre Manuel Pinto, SDB, Diretor Nasional INCT, Xefe Departamentu INCT no funsionariu sira hotu.