Díli, 27 Fevereiru 2024 – Prezidente Konsellu Jerál Institutu Nasional Siênsia no Teknolojia (INCT), Sua Excia. Ministru Ensinu Superior Siênsia no Kultura, Dr. José Honório da Costa Perreira Jerónimo prezide sorumutu Konsellu Jerál Ordinariu ba Daruak nian iha sala enkontru Knua ba Siênsia-INCT, Balide.
Objetivu hosi sorumutu ne’e hodi diskute ajenda hanesan aprovasaun ajenda ba sorumutu daruak konsellu jeral, apresiasaun no aprovasaun Minuta enkontru dahuluk nian, aprezenatsuan relatóriu ezekusaun final orsamentu tinan fiskal 2023 hosi II Vise-Prezidente Asuntu Administrasaun no Finanasas, Dr. Augusto da Conceição Soares, aprezentasaun liña jeral projetu peskiza sientífika ba tinan fiskal 2024 ne’ebé aprezenta hosi I Vise-Prezidente Konsellu Ezekutivu INCT, Dr. José Cornélio Guterres no ikus liu halo aprezentasaun Planu Asaun Anual ba tinan fiskal hosi II Vise-Prezidente Asuntu Administrasaun no Finanasas, Dr. Augusto da Conceição Soares.
Enkontru ne’e hetan partisipasaun hosi Membru Konsellu Jerál nomeadamente Prezidente Konsellu Ezekutivu INCT, Dr. José Cornélio Guterres, Dr. Carlito Mali Code, Dra. Laurantina Barreto Soares, Dr. Xisto Martins, Dr. Feliciano no marka mos prezensa hosi Sekretária Ezekutiva INCT, Dra. Maria Elsa Diogo Correia, Xefe Departamentu Polítika no Planeamentu, Sr. Calistro Maria Correia, Tékniku Espesializadu Finansas, Sr. Tiago da Costa Xavier, Asessora Sra. Paula Ferreira no tékniku sira seluk.