Díli, 22 Janeiro 2024 – Prezidente Konsellu Sientífiku Institutu Nasionál Siênsia no Teknolojia (INCT, sigla iha Português), Dra. Ana Isabel Soares, PhD prezide reuniaun Konsellu Sientífiku ba daruak iha salaun INCT, Balide ho objetivu hodi diskute ajenda sira hanesan apresiasaun Minuta Reuniaun Ordinaria Dahuluk Konsellu Sientífiku ne’ebé realiza iha 13 Setembru 2023, Aprezentasuan Relatóriu Ezekusaun FinalOrsamentu tinan fiscal 2023, aprezenta hosi II Vise-Prezidente Asuntu Administrasaun no Finansas, Dr. Augusto da Conceição Soares, inklui Aprezentasaun Planu Asaun Annual ba tinan fiscal 2024, Aprezentasaun Liña Jeral ba Projetu Peskiza Sientífika ba Tinan Fiskál 2024, hosi I Vise-Prezidente Konsellu Ezekutivu INCT, Dr. Valentim Ximenes.
Reuniaun Konsellu Sientífiku ne’e hetan partisipasaun hosi Dr. Câncio Monteiro, Dr. Carlito Mali Code, Dra. Laurentina Barreto Soares, Dr. Leonel da Costa Xavier, Dr. Teresinha Albertina Soares no Reverendo Padre Plinio Gusmão.