Díli, 20 Marsu 2023 – Institutu Nasionál Siénsia no Teknolojia (INCT, sigla iha Português) realiza teste eskrita ba kandidatu/a sira ne’ebé mak admitidu/a iha Vaga Tékniku Espesializadu iha área Enjeñaria Sivil iha sala enkontru INCT, Balide.
II Vise Presidente Konsellu Ezekutivu INCT hanesan mos Presidente Júri, Dr. Augosto Soares iha nia intervensaun hateten ohin loron INCT halo ezame eskrita ba Vaga Tékniku Espesializadu iha área Enjeñaria Sivil ba faze daruak hosi kandidatu nain sanulu (10) ne’ebe pasa hosi faze dahuluk, selesaun dokumentus hamutuk ha’at nulu resin ha’at (44), kandidatu nain sanulu maka pasa ba faze daruak. Ezame eskrita ne’e, ita uja meius rua ida ezame eskolla Multipla no ida fali Essay, hosi pergunta eskolla Multipla ne’e ita uja google form ne’ebe ita fo ninia link ho nia password iha momentu ne’eba sira prense no rezultadu sira bele hetan kedas iha momentu ne’eba, depois iha mos pergunta Essay ne’ebe maka ita prepara, entaun perguntas sira ne’ebe maka ita prepara hamutuk rua nulu resin lima (25) perguntas iha eskolla Multipla no perguntas rua (2) hosi essay. II Vise Presidente Konsellu Ezekutivu INCT hanesan mos Presidente Júri ne’e, hatutan tan tuir planu ita sei halo fali intervista ba sira ne’ebe pasa iha loron segunda-feira, 27 marsu 2023, oras tuku 3:00 loraik.
Iha prosesu teste eskrita ne’e, akompaña maximu hosi Presidente Júri hanesan mos Vise Presidente Konsellu Ezekutivu INCT, Dr. Augostu Soares, Membru Juri hanesan mos Tékniku Enjeñaria Ministeiru Ensinu Superior, Siensia no Kultura (MESSK), Sr. Eng. Valerio S. A. de Oliveira, Xefe Devizaun Xefe Divizaun Planeamentu no Rekursu Umanu INCT, Sr. Calistro Maria Correia no Tékniku Rekursu Umanu INCT, Agustinho Alves.