Díli, 8 Marsu 2023 – Institutu Nasionál Siénsia no Teknolojia (INCT, sigla iha Português) hala’o sorumutu ho Doutora Danina Coelho hosi Gabinete Primeira Ministro (GPM) no Doutora Celia Santos hosi Hospital Nasional Guido Valadares (GNGV) iha sala enkontru INCT, Balide.
Doutora Celia Santos nia hateten prezensa ami nian iha ne’e ho objetivu hakarak atu hatene INCT nia papel no misaun sira, tanba durante ne’e ami rona dehan iha Ministro Ensino Superior, Siénsia no Kultura (MESSK) nia okos iha mos Instituto Nasional Siénsia no Teknolojia (INCT) ne’ebe mak halao nia servisu foka liu ba Investigasaun Sientifika.
Nune’e Presidente Konsellu Ezekutivu INCT, Dr. José Cornélio Guterres iha nia intervensaun hateten Instituto Nasional Siénsia no Teknolojia (INCT) nia misaun maka atu promove siénsia, teknolojia no inovasaun liu husi peskiza, INCT hanesan instituto públiku ida ne’ebé maka estabelese iha Dekretu Lei n⸰. 23/2014. Maibe INCT hosi tinan 2014 to’o mai sei fakum hela no iha tinan 2019 foin ativu fali liu husi VIII Governu Konstitusional, ne’ebe mak Instituto ne’e rasik tutela iha Ministeiro Ensino Superior, Siénsia no Kultura (MESSK) hodi forma orgaun Governativa INCT nian hanesan; Konsellu Jeral, Konsellu Ezekutivu, Konsellu Sientifiku, no Konsellu Fiskal. Presidente ne’e hatutan tan INCT hahu servisu efetivu iha tinan 2019 ho 7 projetu peskiza, iha tinan 2020 laiha projetu peskiza tanba covid19, kontinua fali tinan 2021 ho 16 projetu peskiza no iha tinan 2022 ho 12 projetu peskiza no iha tinan 2023 nafatin mantein ho 12 peskiza. Iha implementasaun peskiza INCT foka ba area prioritaria 5 mak hanesan; 1) Inovasaun, teknolojia no infra-estrutura, 2) Edukasaun, siensia umana no inkluzaun sosial, 3) Saude no Bem-estar, 4) Ekonomia, Agrikultura, Industria no Turismu no 5) Meiu Ambiente, Bio-diversidade no mudansa klimatika. Presidente Konsellu Ezekutivu ne’e haktuir tan rezultadu husi peskiza sira ne’e sei desimina ba Governu, Liñas Ministeriais sira no ba iha munisipiu sira hodi bele halo planu diak bazeia ba estudus.
Hafoin rona tia esplikasaun hosi Presidente Konsellu Ezekutivu INCT, Doutora Danina Coelho hato’o mos nia idea atu kria Ajenda Nasional Investigasaun ba ministeiro hotu-hotu, ita bele halo workshop ida ho INCT depois defini katak ministeiro ida ne’e ninian prioridade peskiza mak ida ne’ebe, hafoin mak ita defini hamutuk sai ajenda nasional ba investigasaun. Doutora Danina Coelho haktuir tan Programa ida ne’e Gabinete Primieiro Ministro bele promove, Ezemplu iha Ministeiru Saúde neste momentu kria Instituto nasional saúde públika iha dekretu ida ne’ebe forma sira nia estatuto hateten katak instituto ida ne’e mak sei toma responsavel ba estudus investigasaun hodi defini polítika saúde ninian, portantu ita iha INCT ne’ebe mos iha knar ida ne’e entaun hau senti importante teb-tebes talves intitusaun sira hanesan ne’e atu tur hamutuk posibilidade kalae ka ita bele halo diskusaun hamutuk para bele halo ajenda nasional, kada ministeiro prepara ninia área prioridade investigasaun hodi defini sai dokumentus pais ninian.
Partisipa maximu mos iha enkontru ne’e I Vise Presidente Konsellu Ezekutivu INCT, Dr. Valentim Ximenes, II Vise Konsellu Ezekutivu INCT, Dr. Augusto Soares no Sekretaria Ezekutiva INCT, Dra. Maria Elsa Correia.