![](https://i0.wp.com/inct.gov.tl/wp-content/uploads/2022/07/1Y9A3154-scaled.jpg?fit=640%2C427&ssl=1)
Manufahi, 30 Juñu 2022 – Xefe Departamentu Siênsia Ezata no Siênsia Naturais Institutu Nasionál Siênsia no Teknolojia (INCT), Dr. Gregorio Rangel, hamutuk ho ekipa halo monitorizasaun ba peskiza sientífika kona-ba “Potensia produsaun plantas forrageiras, kompozisaun kimika no estimativa kapasidade karga (carrying capacity) animál ruminante sira iha pastajem nativa iha munisípiu manufahi hodi assegura projeitu tasi mane” ne’ebé dirije hosi Dra. Brigida Antonia Correia, iha Suku Dotik, Postu Administrativu Alas.
Objetivu husi monitorizasaun ne’e atu observa direta peskiza sientítika ne’ebe hala’o hosi peskizadora no akompaña prosesu implementasaun iha terenu hodi garante kualidade peskiza ne’e rasik.
Investigadora Dra. Brigida Antonia Correia, iha nia intervensaun hateten, peskiza ne’e importante hodi hatene ai-horis saida mak animal hanesan“karau”sira bele konsome hodi fornese kualidade ne’ebé mak di’ak atu hodi aumenta animal nia isin ne’ebé mak di’ak. Investigasaun ida ne’e mos ho intuitu atu fornese dadus hodi reforsa projetu tasi mane iha futuru, tanba projetu refere presija apoiu hosi setor oin-oin inklui setor agrikultura, espesialmente produtu pekuaria, hanesan naan karau, naan fahi, naan bibi, manu tolun no susuben.
Peskiza ne’e hetan partisipasaun hosi estudante sira hosi fakuldade agrikultura, dosente no estudante IPB.