Institutu Nasionál Siensia no Teknolojia Timr-Leste (INCT), liu-hosi meiu ida ne’e, anunsia reabertura konkursu ba atribuisaun fundu ba projetu investigasaun siêntifika ba tinan 2022. Total rua nulu resin tolu (23) Proposta Investigasaun (Estudu) ba públiku, iha área oin-oin, ne’ebé disponivel iha aneksu anúnsiu nian.
Prazu ba formalizasaun kandidatura entre loron 01 to’o 15 fulan Marsu tinan 2022.
Destinatáriu sira
Bele kandidata ba projetu investigasaun sientífika ne’e Profesor, Investigador no espesialista sira iha respetiva área sientífika, ho nasionalidade timorense ou internasionál asosiadu ho investigador ho nasionalidade timorense (ne’ebé hola parte ba ekipa investigasaun), preferensialmente asosiadu ho universidade, fakuldade, instituisaun ensinu superior, sentru investigasaun, departamentu siênsia no teknolojia, instituisaun estatal ho natureza sientífika ka empreza ligada ho I&T iha Timor-Leste. Ba informasaun detallu, interesadu sira bele konsulta anúnsiu konkursu iha aneksu.
Aneksu sira disponivel iha Lian Português no Inglês.
Lian Português
Link 1: Anúncio de Projetos de Investigação Científica INCT 2022
Link 2: Anexo I – (PDF) Linhas de Pesquisa e Propostas de Investigação INCT 2022
Link 3: Anexo II – (PDF) Guião de Preenchimento – Instruções e Exemplos
Link 4: Anexo III (WORD) – Modelo de Proposta de Investigação 2022
Lian Inglesh
Link 1: Announcement of INCT 2022 Scientific Research Projects
Link 2: Annex I – (PDF) – Research Lines and Research Proposals INCT 2022
Link 3: Annex II – (PDF) – Filling in Guide of the Research Proposal – Examples
Link 4: Annex III (WORD) – Model of Research Proposal
- Nesesariu tebes konsulta dokumentu Liña Peskiza no Proposta Investigasaun 2022 (ANEKSU I) no selesiona/hili proposta estudu ida no respetiva referênsia estudu nian.
- Priense Modelu Projetu Investigasaun (ANEKSU III), tuir Instrusaun sira ne’ebé iha Guiaun Preensimentu Proposta Investigasaun (ANEKSU II).
- Reune obrigatóriu dokumentu pesoal sira no dokuemtu ekipa investigasaun nian.
- Envia Kandidatura liu-hosi e-mail ka entrega kandidatura pesoalmente iha instalasaun INCT nia
Dokumentu Obrigatóriu sira Hodi Kandidata:
Kandidatu/a sira tenke reune dokumentu sira hanesan tuir mai ne’e:
- Modelu projetu Investigasaun Preense no asina kedas (ANEKSU III);
- CV no Investigador Responsável;
- Billete Identidade no Investigador Prinsipál;
- CV no Billete Identidade Ekipa Investigasaun.
Formalizasaun Kandidatura
Kandidatura tenke envia diretamente liu-hosi
korreiu eletróniku, mai enderesu sira hanesan: joseguterres66@gmail.com., valentimximenes@gmail.com., asoares27@yahoo.com., no filipeabraao@gmail.com., ho indikasaun, iha asuntu email nian,
referênsia estudu ne’ebé pretende atu elabora, (ejemplu, se hakarak elabora
proposta estudu 1 hosi liña peskiza 1, tenke mensiona “kandidatura Referênsia:inov.2022.1p
1-I”). Kandidatura sira tenke entrega pesoalmente iha Instalasaun INCT, ho
referênsia, iha enderesu tuir mai ne’e:
Institutu Nasionál Siênsia no Teknolojia (INCT)
Avenida Balide (Infordepe), Balide.
Kontaktu: Tel. (+670) 78269204/7660660
Ba kualker dúvida ka pedidu informasaun adisional ruma bele kontaktu ami liu-hosi enderesu e-mail refere iha leten ka liu-hosi kontaktu telefone disponivel.
Prazu ba Formalizasaun Kandidatura : Entre 01 Marsu to’o 15 Marsu 2022