Díli, 23 Novembru 2021 – Institutu Nasionál Siênsia no Teknolojia (INCT, sigla iha Português) realiza enkontru Konsellu Sientífiku ba Dahaat ne’ebé prezide husi Presidente Konsellu Sientífiku Dra. Ana Isabel de Fatíma Sousa Soares, iha sala reuniaun Ministériu Ensinu Superior, Siênsia no Kultura (MESSK) Timor-Leste.
Iha reuniaun ne’e inisia ho aprovasaun ajenda programada ba enkontru Konsellu Sientífiku. Tuir mai, aprezenta membru foun konsellu sientífiku hosi Prezidenti Konsellu Sientífiku, Dra. Ana Isabel Soares no halo mos apresiasaun no aprovasaun ata reuniaun anterior, ne’ebé aprova iha reuniaun anterior.
Primeiru Vise-Prezidenti Konsellu Ezekutivu INCT, Dr. Valentim Ximenes, iha nia intervensaun, aprezenta iha Konsellu Sientífiku, ba dahuluk, relatóriu atividade sientífika departamentu nian, aprezenta liña prioritária Investigasaun Sientífika no Teknolójika kada departamentu ba Tinan Fiskal 2022, hamutuk ho pareser kona-ba dezempeñu atual xefe departamentu sira, no ikus, halo apresisaun kona-ba realizasaun akordu parseria nasionál no internasionál sira
Segundu Vise-Prezidenti Konsellu Ezekutivu INCT, Dr. Augusto Soares, aprezenta iha Konsellu Sientífiku ezekusaun orsamentu tinan fiskal 2021 no relatóriu anual, emiti pareser kona-ba projetu orsamentu, planu no relatóriu anual atividade INCT nian.
Partisipa iha sorumutu ne’e, Dr. João Soares Martins, Dr. Estanislau Saldanha, Dra. Carla A. J. da Costa, Dr. Nilton Diamantino Paiva Mau no Dr. Leonel da Costa Xavier.