Dili, 7 Maiu 2021, Instituto Nasional Siensia no Teknologia (INCT) realiza sorumutu Konsellu Jeral INCT ba dala haat iha sala reniaun INCT, nebe’e prezide husi Presidente Konsellu Jeral INCT S. Exa. Ministru Ensinu Superior, Siensia no Kultura liu husi plataforma virtual – Zoom Meeting.
Objetivu prinsipal husi sorumutu ne’e hodi deskute Planu estratéjiku INCT ba tinan 5 no mos Planu annual 2022. Ajenda diskusaun iha enkontru ne’e hanesan tuir mai: (I) Aprovasaun ba Ajenda no Aprovasaun ba Ata Reniaun datolu Konsellu Jeral INCT, (II) Aprezentasaun Plano Estratéjiku INCT (ba Tinan 5), Aprezenta husi Doutor Afonso de Almeida no Aprezentasaun Planu Asaun Anual tinan Fiskal 2022, Aprezenta husi Dr. Augusto da Conceição Soares; no (III) Diversus. Depois de diskusaun Konsellu Jeral konsege aprova ho kondisoens Planu Estratéjiku INCT no aprova Planu Anual 2022 INCT.
Partisipa iha sorumutu ne’e Presidente Konsellu Exekutivu INCT – José Cornélio Gutteres, Ph.D, Vise Presidente II Konsellu Exekutivu INCT – Dr. Augusto da Conceição Soares, Membru Konsellu Jeral, Dr. Alvaro M. Amaral, Vicente Paulo Correia, Ph.D, Acacio C. Amaral, Ph.D, Doutor Afonso de Almeida no Assessora INCT.