Dili, 15 Abril 2021, Instituto Nasional Siensia no Teknologia (INCT), realiza Retiru Annual ida ho nia tema jeral “Avaliasaun ba Programa INCT 1˚ Trimestre, Preparasaun Planu Annual 2022 no Planu Tinan 5 INCT nian”, iha salaun Tower Fatuhada.
Objetivu husi Retiru ne’e atu halo avaliasaun ba programa tinan 2019 to tinan 2021, halo mos reflexaun ba implementasaun progresu programa 1˚ trimestre tinan 2021 nomos atu identifika no elabora planu estratégiku tinan 5 nian bazea ba areas perioritares sira tuir PED 2011-2030.
Retiru ne’e abertura husi Presidente Konsellu Exekutivu INCT, Dr. José Cornélio Guterres nia hateten retiru ne’e hanesan termo ida nebe’e ita uja atu halo diagnóstika ba Institusaun karik iha moras ruma ita bele kura depois planu ba oin ita atu halo saida.
Hanesan hau dehan diagnóstika ne’e atu ita hotu sei hare fila fali karik durante servisu nia laran buat balun ladiak iha Institusaun ita bele nakloke ba malum para atu hadia liña kordenasaun hanesan servisu ekipa nebe’e diak.Presidente Konsellu Exekutivu INCT ne’e haktuir tan retiru ne’e atu ita diskuti hodi hamosu rezultadu konaba planu INCT tinan 5 nian nebe’e mak sei aliña ho planu nasional nian PED 2011-2030.
Nebe’e karik ita sei hamosu planu tinan 5 nian, bazeia ba INCT nia programa xavi 3 nebe’e ita hotu hatene, ida konaba konsolidasaun oinsa atu hamosu Sistema nasional Siensia no Teknologia, oinsa ita bele promove peskiza, dezenvolvimentu no inovasaun iha área estratejiku nomos ita bele kria lei kuadru legais balun nebe’e bele regula ita.Iha retiru ne’e halao durante loron rua partisipa husi Konsellu exekutivu, Secretaria Exekutiva, Xefe Departementus, Unidade Apoiu Teknikas no Funsionarius sira.