Dili, 13 Outubro 2020, Instituto Nasional Siensia no Teknologia (INCT) halao sorumutu ho Ajénsia Tecnologia da Informação e Comunição (TIC) Timor I.P, iha sala enkontru INCT. Objetivu hosi sorumutu ne’e TIC Timor hakarak fornese informasaun detallu kona-ba papel TIC nian ba INCT iha âmbitu Governo Elektróniku nian nebe’e maka tulun ona liña Ministeriu no Entidades Publíka sira iha area informatika. Tanba TIC Timor hanesan Instituto ida nebe’e hare liu ba Teknologia, Informasaun no Komunikasaun, jere rede informatika Governu nian no entidades publika sira seluk, inklui halo jestaun ba infraestrutura teknologia, informasaun no komunikasaun no fo apoio iha area teknologia, informasaun no komunikasaun no Sistema informasaun sira.Sorumutu ne’e abertura hosi presidente INCT, Dr. José Cornélio Guterres nia hateten katak ohin loron ita tama ona iha mundo teknologia, E-Government servisu ho digital, nebe’e ita tenki prepara an mos, INCT hanesan institusaun publiko ida, tan nee prezensa hosi TIC Timor bele fahe informasaun konaba TIC Timor nia servisu liga ba Teknologia Informasaun no Komunikasaun hodi nune’e bele mos apoiu INCT iha parte refere.INCT hanesan institusaun ida neb’e maka sai mos hanesan sentru peskiza ho nia papel ida maka fasilita investigador sira liu hosi peskiza nune’e maka INCT iha futuro hakarak kria Repositorio Digital ida atu nune bele rekolla dadus artigu sientifiku nebe’e maka sei publika hosi Timor oan no estranjeiru kona ba Timor-Leste hodi nune’e ema hotu bele asesu.Nune’e iha sorumutu ne’e parte rua diskute mos saida mak TIC Timor bele apoiu INCT iha area Teknologia, Informasaun no Komunikasaun, liliu kona ba rede internet, hosting website, repositoriu nomos email ofisial INCT.